കഴിഞ്ഞദിവസം മാനന്തവാടിയില് മയക്കുവെടിവച്ച് പിടികൂടിയ തണ്ണീര് കൊമ്പന് ചരിഞ്ഞു. ഇന്ന് പുലര്ച്ചെയോടെയാണ് ആന ചരിഞ്ഞത്. വെള്ളിയാഴ്ച പകല് മുഴുവന് മാനന്തവാടിയെ പരിഭ്രാന്തിയിലാഴ്ത്തിയ തണ്ണീര്ക്കൊമ്പനെ ഇന്നലെ വൈകുന്നേരത്തോടെയാണ് മയക്കുവെടി വച്ചത്. പതിനേഴര മണിക്കൂര് നീണ്ട ദൗത്യത്തിനൊടുവിലാണ് ആനയെ പിടികൂടിയത്. കര്ണാടക വനം വകുപ്പിന് കൈമാറിയ ശേഷമായിരുന്നു സംഭവം.
