പ്രണയവിഷയത്തില്‍ പൊലീസ് വിളിപ്പിച്ച യുവാവ് വീഡിയോ ചെയ്ത ശേഷം ജീവനൊടുക്കി. നിലമ്പൂര്‍ സ്വദേശി മുഹമ്മദ് ജാസിത് ആണ് ജീവനൊടുക്കിയത്. സാമൂഹ്യമാധ്യമത്തില്‍ പൊലീസിനെതിരെ ആരോപണങ്ങളടങ്ങുന്ന വീഡിയോ പോസ്റ്റ് ചെയ്ത ശേഷമാണ് യുവാവ് ആത്മഹത്യ ചെയ്തത്. താന്‍ ജീവിച്ചിരിക്കുമെന്ന് ഉറപ്പില്ല. മരിച്ചാല്‍ നിലമ്പൂര്‍ പൊലീസും യുവതിയുടെ അമ്മയും ആയിരിക്കും ഉത്തരവാദികളെന്ന് യുവാവ് വിഡിയോയില്‍ ആരോപിക്കുന്നു. തന്റെ ഫോണിലെ ചില രേഖകള്‍ പൊലീസ് നശിപ്പിച്ചെന്നും യുവാവ് പറയുന്നുണ്ട്.
