കണ്ണൂര്‍ അഴീക്കലില്‍ നിന്നും 81 കിലോമീറ്റര്‍ അകലെ അറബിക്കടലില്‍ പൊട്ടിത്തെറിച്ച വാന്‍ ഹായ് 503 ചരക്കുകപ്പലിലെ തീയണയ്ക്കാനുള്ള ശ്രമങ്ങള്‍ വിഫലം. തെക്ക് കിഴക്കന്‍ ദിശയിലാണ് കറ്റലിന്റെ ഒഴുക്ക്. കടലില്‍ നിന്നും കണ്ടെയ്‌നറുകള്‍ വീണ്ടെടുക്കാന്‍ സാധിച്ചില്ലെങ്കില്‍ തൃശൂര്‍ എറണാകുളം ജില്ലകളുടെ തീരത്തേക്ക് കണ്ടെയ്‌നര്‍ ഒഴുകിയെത്താന്‍ സാധ്യതയെന്ന് അഴീക്കല്‍ പോര്‍ട്ട് ഓഫീസര്‍ ക്യാപ്റ്റന്‍ അരുണ്‍ കുമാര്‍ ഏഷ്യാനെറ്റ് ന്യൂസിനോട് വ്യക്തമാക്കി. കപ്പലിലെ തീ ഇതുവരെയും അണയ്ക്കുവാനായിട്ടില്ല. കണ്ടെയ്‌നറുകള്‍ വീണ്ടെടുക്കാന്‍ ശ്രമം തുടരുകയാണെങ്കിലും കാറ്റിന്റെ ദിശ പ്രതികൂലമാണെന്നും ക്യാപ്റ്റന്‍ അരുണ്‍ കുമാര്‍ വിശദീകരിച്ചു.
