സമരത്തിൽ നിന്നും പിന്നോട്ടില്ലെന്ന് ചര്‍ച്ചയ്ക്ക് ശേഷം സമരക്കാർ അറിയിച്ചിരുന്നു. അതേസമയം, നിരത്തിലിറങ്ങുന്ന സ്വകാര്യ വാഹനങ്ങൾ തടയില്ലെന്ന് സമരക്കാർ വ്യക്തമാക്കിയിട്ടുണ്ട്. രാവിലെ ആറുമുതല്‍ വൈകിട്ട് ആറുവരെയാണ് പണിമുടക്ക്.
പണിമുടക്കിന്റെ പശ്ചാത്തലത്തിൽ സര്‍വകലാശാലാ പരീക്ഷകള്‍ മാറ്റിവെച്ചിരുന്നു. പക്ഷേ, പിഎസ്‌സി പരീക്ഷകള്‍ മുടക്കമില്ലാതെ നടക്കും. ടാക്സികള്‍ക്ക് പുറമെ സ്വകാര്യബസുകളും കെഎസ്ആര്‍ടിസി ബസുകളും പണിമുടക്കുന്നതോടെ പൊതുഗതാഗതം സ്തംഭിക്കും.
