കോട്ടയം: ബൈക്കും ടോറസ് ലോറിയും കൂട്ടിയിടിച്ച് ബൈക്ക് യാത്രക്കാരായ പിതാവും മകനും മരിച്ചു. ഇന്ന് ഉച്ചയ്ക്ക് പന്ത്രണ്ട് മണിയോടെയായിരുന്നു ഇലഞ്ഞി ആലപുരം കോലടിയില്‍ രാജീവ് (53), മകന്‍ മിഥുന്‍ (23) എന്നിവരാണ് മരിച്ചത്.
മോനിപ്പള്ളി ജംഗ്ഷനില്‍ വച്ച് ഇലഞ്ഞി റോഡില്‍ നിന്ന് എം.സി റോഡിലേക്ക് കയറിയ ബൈക്കില്‍ എതിരില്‍ നിന്ന് വന്ന ടോറസ് ഇടിച്ച. സംഭവസ്ഥലത്ത് ഓടിയെത്തിയ നാട്ടുകാര്‍ ഇവരെ കോട്ടയം മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ഇടിയേറ്റു വീണ ബൈക്കിനെയും യാത്രക്കാരെയും കുറച്ചു ദൂരം വലിച്ചു കൊണ്ടുപോയ ശേഷമാണ് ടോറസ് നിന്നത്.
