തിരുവനന്തപുരത്ത് ദേശിയപാതയില് ആനയെ കയറ്റി വന്ന ലോറി കയറിയിറങ്ങി ബൈക്ക് യാത്രികന് ദാരുണാന്ത്യം. പള്ളിപ്പുറം കരിച്ചാറ സ്വദേശി നസീര് ആണ് ദാരുണമായി മരിച്ചത്. 61 വയസായിരുന്നു. രാവിലെ ഒന്പതു മണിയോടെ കഴക്കൂട്ടത്ത് ദേശീയ പാതയില് എലിവേറ്റഡ് ഹൈവേ അവസാനിക്കുന്ന സ്ഥലത്താണ് അപകടം നടന്നത്. ലോറിയുടെ പിന് ചക്രം തലയിലൂടെ കയറിയിറങ്ങി. ഹെല്മെറ്റടക്കം പൊട്ടിയാണ് നസീര് മരിച്ചത്.
