ഇന്നലെ രാവിലെ 3.45-ന് ശ്രീനാരായണപുരം പതിനഞ്ചാം വാർഡിൽ നെല്ലിപ്പഴി റോഡിലെ വീട്ടിലാണ് പീഡനശ്രമം നടന്നത്. ഭർത്താവ് ഉപേക്ഷിച്ച സ്‌ത്രീ മകനോടൊപ്പമാണ് താമസിച്ചിരുന്നത്. മാതാവിനെ ഒരാൾ പതിവായി ശല്ല്യപ്പെടുത്തുന്നതായി നാട്ടുകാരിൽ നിന്ന് വിവരംകിട്ടിയ മകൻ മൂന്ന് ദിവസമായി വീടിന് കാവൽ നിൽക്കുകയായിരുന്നു. ഇതറിയാതെ ജബ്ബാർ വീട്ടിൽ കയറുകയും സ്‌ത്രീയെ കടന്നുപിടിക്കുകയും ചെയ്‌തതോടെയാണ് മകൻ ഇയാളെ പിടികൂടിയത്. തുടർന്ന് പരാതി നൽകിയെങ്കിലും കേസെടുക്കാതെ പൊലീസ് പ്രതിയെ വിട്ടയയ്‌ക്കുകയും മകനെതിരെ വധശ്രമത്തിന് കേസെടുക്കുമെന്ന് ഭീഷണിപ്പെടുത്തുകയും ചെയ്‌തു.
