അധ്യാപകന്‍ ഹൃദ്രോഗിയായ വിദ്യാര്‍ത്ഥിയുടെ കരണത്തടിച്ചു
ഹൃദ്രോഗിയായ വിദ്യാര്‍ത്ഥിയ്ക്ക് അധ്യാപകന്റെ മര്‍ദ്ദനം. ആലുവയിലെ എസ്എന്‍ഡിപി സ്‌കൂളിലെ ഒമ്പതാം ക്ലാസ് മുഹമ്മദ് മാഹിന്റെ കരണത്തടിച്ചതായാണ് പരാതി.സംഭവത്തില്‍ അധ്യാപകനോട് നിര്‍ബന്ധിത അവധിയില്‍ പ്രവേശിക്കാന്‍ സ്‌കൂള്‍ മാനേജ്‌മെന്റ് നിര്‍ദ്ദേശിച്ചു.
കുട്ടിയുടെ ബാഗില്‍ നിന്ന് പരിശോധനയെത്തുടര്‍ന്ന് മിഠായി കണ്ടെടുത്തെന്നും തുടര്‍ന്ന് കുട്ടി അധ്യാപകനോട് തട്ടിക്കയറിയതിനെത്തുടര്‍ന്ന് വേദനിക്കാത്ത തരത്തില്‍ കുട്ടിയെ അടിച്ചുവെന്നാണ് അധ്യാപകന്‍ നല്‍കിയ വിശദീകരണം.
