വീട്ടമ്മയുടെ കുളിമുറി ദൃശ്യങ്ങൾ പകര്‍ത്തി ബിജെപി നേതാവിന്റെ ലീലാവിലാസം; വീഡിയോ പകര്‍ത്തിയത് നാടകീയമായി - പ്രതി പിടിയില്‍
വ്യാഴം, 16 മാര്‍ച്ച് 2017 (08:51 IST)
കുളിമുറി ദൃശ്യങ്ങൾ ഒളികാമറയിൽ പകർത്തിയ ബിജെപി നേതാവ് അറസ്റ്റില്‍. ബിജെപി പെരുമ്പളം പഞ്ചായത്ത് പ്രസിഡന്റും, അരൂർ മണ്ഡലം കാര്യവാഹകുമായ അജയനാണ് (44) അറസ്റ്റിലായത്.
കഴിഞ്ഞദിവസം രാത്രിയായിരുന്നു സംഭവം. വീട്ടമ്മ കുളിക്കുന്ന സമയം മുന്‍കൂട്ടി മനസിലാക്കിയ പ്രതി സംഭവസ്ഥലത്ത് കാത്തിരുന്നു. തുടര്‍ന്ന് കുളിമുറിയുടെ വെന്റിലേഷനിലൂടെ ഒളികാമറവെച്ച് യുവതി കുളിക്കുന്നതിന്റെ ദൃശ്യങ്ങള്‍ അജയന്‍ പകര്‍ത്തുകയായിരുന്നു. സംഭവമറിഞ്ഞ യുവതി പൊലീസില്‍ പരാതി നല്‍കി.
യുവതി പരാതി നല്‍കിയെന്ന് അറിഞ്ഞതോടെ രക്ഷപ്പെടാന്‍ ശ്രമിക്കുന്നതിനിടെ പൂച്ചാക്കൽ പൊലീസ് അജയനെ അറസ്‌റ്റ് ചെയ്യുകയായിരുന്നു.
കഴിഞ്ഞ പഞ്ചായത്ത് തെരഞ്ഞെടുപ്പിൽ തൈക്കാട്ടുശ്ശേരി ബ്ലോക്ക് പഞ്ചായത്ത് പെരുമ്പളം ഡിവിഷനിലെ സ്ഥാനാർഥിയായിരുന്നു അജയന്‍.
