ശശി തരൂരിനെതിരെ കോണ്‍ഗ്രസില്‍ പടയൊരുക്കം. തരൂര്‍ പാര്‍ട്ടിയില്‍ ആധിപത്യം സ്ഥാപിക്കാന്‍ ശ്രമിക്കുകയാണെന്നാണ് ഇപ്പോള്‍ ഉയര്‍ന്നിരിക്കുന്ന വിമര്‍ശനം. പാര്‍ട്ടിയില്‍ സമാന്തര പ്രവര്‍ത്തനങ്ങള്‍ പാടില്ലെന്ന് കെപിസിസി അച്ചടക്ക സമിതി തരൂരിന് താക്കീത് നല്‍കിയിട്ടുണ്ട്. ഡിസിസിയെ മുന്‍കൂട്ടി അറിയിച്ച് വേണം പരിപാടികളില്‍ പങ്കെടുക്കാനെന്നാണ് നിര്‍ദേശം. പാര്‍ട്ടി ചട്ടക്കൂടില്‍ നിന്നുവേണം എല്ലാവരും പ്രവര്‍ത്തിക്കാനെന്നും തിരുവഞ്ചൂര്‍ രാധാകൃഷ്ണന്‍ അധ്യക്ഷനായ അച്ചടക്ക സമിതി നിര്‍ദേശിച്ചു.
