ഷഹല ദുബായിലേക്ക് പോയത് ഇന്റര്‍വ്യൂവില്‍ പങ്കെടുക്കാനെന്ന് പറഞ്ഞ്, അടിവസ്ത്രത്തില്‍ ഒളിപ്പിച്ച് സ്വര്‍ണം കടത്തിയാല്‍ പ്രതിഫലം 60,000 രൂപ
കരിപ്പൂര്‍ വിമാനത്താവളത്തില്‍ ഒരു കോടി രൂപയുടെ സ്വര്‍ണവുമായി പിടിയിലായ 19 വയസ്സുകാരി ദുബായിലേക്ക് പോയത് ഇന്റര്‍വ്യൂവില്‍ പങ്കെടുക്കാനെന്ന പേരില്‍. ദുബായില്‍ ആറു ദിവസത്തെ ഇന്റര്‍വ്യൂവില്‍ പങ്കെടുക്കാനുണ്ടെന്നാണ് ഷഹല വീട്ടുകാരോട് പറഞ്ഞത്. സ്വര്‍ണക്കടത്ത് സംഘം അറുപതിനായിരം രൂപ ഷഹലയ്ക്കു പ്രതിഫലം നല്‍കിയെന്നും പൊലീസ് പറഞ്ഞു. കാസര്‍ഗോഡ് സ്വദേശിനിയാണ് ഷഹല.
