School bus Accident in Nagaroor thiruvananthapuram
തിരുവനന്തപുരത്ത് വിദ്യാര്‍ത്ഥികളുമായി പോയ സ്‌കൂള്‍ ബസ് വയലിലേക്ക് മറിഞ്ഞു. വെള്ളല്ലൂര്‍ ഗവണ്‍മെന്റ് എല്‍പിഎസിലെ സ്‌കൂള്‍ ബസാണ് നിയന്ത്രണം വിട്ട് പാടത്തേക്ക് മറിഞ്ഞത്. അപകടം നടക്കുമ്പോള്‍ 25 വിദ്യാര്‍ഥികളാണ് ബസില്‍ ഉണ്ടായിരുന്നത്. അപകടത്തില്‍പ്പെട്ട വിദ്യാര്‍ഥികളില്‍ 3 പേര്‍ക്ക് കാര്യമായ പരിക്കുണ്ട്. മറ്റ് വിദ്യാര്‍ഥികള്‍ക്ക് നിസാരമായ പരിക്കുകളാണുള്ളത്. ഇന്ന് രാവിലെ 9:30 ഓടെയായിരുന്നു സംഭവം. കുട്ടികളെ കൂടാതെ ആയമാരും ബസില്‍ ഉണ്ടായിരുന്നു.
