പൂജകള്‍ക്ക് മേല്‍ശാന്തി വി.കെ.ജയരാജ് പോറ്റി സഹകാര്‍മികത്വം വഹിക്കും. കോവിഡ് മാനദണ്ഡങ്ങള്‍ അനുസരിച്ചാവും ഉത്സവ നടത്തിപ്പ്. എന്നാല്‍ ആചാരപരമായ ചടങ്ങുകള്‍ക്ക് മാറ്റമില്ല. ശ്രീഭൂതബലി, മുളപൂജ, ഉത്സവബലി, വിലക്കിനെഴുന്നള്ളിപ്പ് എന്നീ ചടങ്ങുകളും ഉണ്ടാവും. ഇരുപതു മുതല്‍ ഇരുപത്തേഴു വരെ ഉത്സവബലി ഉണ്ടാവും.
പള്ളിവേട്ടയ്ക്കായി ശരംകുത്തിയിലേക്കുള്ള എഴുന്നള്ളത്ത് ഇരുപത്തേഴിനാണ്. അന്നേ ദിവസം തിരിച്ചെത്തി ശ്രീകോവിലിനു പുറത്താവും അയ്യപ്പ സ്വാമിയുടെ പള്ളിയുറക്കം. ഇരുപത്തെട്ടിന് പമ്പയില്‍ ആറാട്ട് നടക്കും. തിരിച്ചു സന്നിധാനത്തേക്ക് എഴുന്നള്ളിയ ശേഷം ഉത്സവം കൊടിയിറക്കും. തുടര്‍ന്ന് രാത്രി പത്ത് മണിക്ക് നട അടയ്ക്കും.
