തിരുവനന്തപുരം വിമാനത്താവളത്തില് ആര്ടിപിസിആര് ടെസ്റ്റിന് 3200 രൂപ. രാജ്യത്തെ മറ്റു വിമാനത്താവളങ്ങളെക്കാള് 900 രൂപ കൂടുതലാണിത്. ഇത് പറഞ്ഞ് വഴക്കുകൂടാന് സമയമില്ലാത്തതിനാല് യാത്രക്കാര് ഇത്തരത്തില് കൊള്ളയടിക്കപ്പെടുകയാണ്. ഇതിനെതിരെ സംസ്ഥാന സര്ക്കാരിന്റെ ഭാഗത്തുനിന്നും ഒരു നടപടിയും ഉണ്ടാകുന്നില്ലെന്നും യാത്രികര് പരാതിപ്പെടുന്നു. അതേസമയം കൊച്ചിയിലും കോഴിക്കോടും ടെസ്റ്റിന് 2490 രൂപയാണ് ഈടാക്കുന്നത്.
