കൊണ്ടോട്ടിയില്‍ ബലാത്സംഗം ചെറുത്ത 22കാരിയെ കല്ലുകൊണ്ട് ഇടിച്ച് പരിക്കേല്‍പ്പിച്ചു. ഇന്നലെ ഉച്ചയ്ക്കായിരുന്നു സംഭവം. പെണ്‍കുട്ടിയെ മഞ്ചേരി മെഡിക്കല്‍ കോളേജില്‍ പ്രവേശിപ്പിച്ചു. പ്രതിയെ കണ്ടെത്താന്‍ അന്വേഷണം നടക്കുകയാണ്. കൊണ്ടോട്ടിയിലെ കോളേജിലേക്ക് പോകുവഴി അഞ്ജാതന്‍ പിറകിലൂടെ പിടിച്ചുവലിക്കുകയായിരുന്നു. ഇത് ചെറുത്ത പെണ്‍കുട്ടിയെ കല്ലുകൊണ്ട് ഇടിക്കുകയായിരുന്നു. തുടര്‍ന്ന് പെണ്‍കുട്ടി ഇയാളില്‍ രക്ഷപ്പെട്ട് സമീപത്തെ വീട്ടിലേക്ക് ഓടി രക്ഷപ്പെടുകയായിരുന്നു.
