പാലക്കാട് സ്വദേശികളായ ദമ്പതികള്‍ക്ക് എ ടി എം വഴി ഏഴര ലക്ഷം രൂപ നഷ്ടപ്പെട്ടു. പാലക്കാട് വടക്കും‍തറ ദേവിനഗര്‍ രഘുപതി, ഭാര്യ ശാന്തകുമാരി എന്നിവരുടെ ഇന്ത്യന്‍ ബാങ്കിലെ അക്കൌണ്ടുകളില്‍ നിന്നാണ് ഈ തുക കോയമ്പത്തൂരില്‍ നിന്ന് പലതവണകളായി നഷ്ടപ്പെട്ടത്. നിലമ്പൂര്‍ ചാലിയാര്‍ വൈലാശേരിയിലാണ് ഇവര്‍ ഇപ്പോള്‍ താമസിക്കുന്നത്.
എന്നാല്‍ ഇതിനിടെ സംശയം തോന്നിയപ്പോള്‍ ദമ്പതികള്‍ അക്കൌണ്ട് പരിശോധിച്ചപ്പോഴാണ് പലപ്പോഴായി തങ്ങളുടെ അക്കൌണ്ടുകളില്‍ നിന്ന് ഏഴര ലക്ഷം രൂപ നഷ്ടപ്പെട്ട വിവരം അറിഞ്ഞത്. രഘുപതിക്ക് 3,27,800 രൂപയും ശാന്തകുമാരിക്ക് 4,26,700 രൂപയുമാണു ഇത്തരത്തില്‍ നഷ്ടമായത്. നിലമ്പൂര്‍ പൊലീസില്‍ ഇവര്‍ പരാതി നല്‍കിയിട്ടുണ്ട്.
