ഒസാമ ബിന്‍ ലാദന്‍റെ ചിത്രം പതിച്ച കാര്‍ കൊല്ലം നഗരത്തിലൂടെ സഞ്ചരിക്കുന്നതായുള്ള വിവരം ഞെട്ടലോടെയാണ് മലയാളികള്‍ കേട്ടത്. ഇതേക്കുറിച്ച് രഹസ്യാന്വേഷണ വിഭാഗത്തിന് കഴിഞ്ഞ ദിവസം വിവരം ലഭിക്കുകയായിരുന്നു. നഗരമധ്യത്തില്‍ വച്ച് വീണ്ടും കാര്‍ നാട്ടുകാരുടെ ശ്രദ്ധയില്‍ പെട്ടു. കാറിന്‍റെ ചിത്രങ്ങള്‍ അടക്കമുള്ള കാര്യങ്ങള്‍ ഇവര്‍ പൊലീസിന് കൈമാറി. തുടര്‍ന്ന് നടത്തിയ അന്വേഷണത്തിലാണ് ഇരവിപുരം പൊലീസ് കാര്‍ കസ്റ്റഡിയിലെടുത്തത്.
