ഗുണ്ടാ മാഫിയാ സംഘങ്ങള്‍ക്കെതിരെയുള്ള നടപടികളുടെ ഭാഗമായി സംസ്ഥാനത്തൊട്ടാകെ കഴിഞ്ഞ ദിവസം 429 പേരെ പൊലീസ് അറസ്റ്റ് ചെയ്തു. തിരുവനന്തപുരം റേഞ്ചില്‍ 98 പേരും കൊച്ചി റേഞ്ചില്‍ 45 പേരും തൃശൂര്‍ റേഞ്ചില്‍ 106 പേരും കണ്ണൂര്‍ റേഞ്ചില്‍ 180 പേരുമാണ് അറസ്റ്റിലായത്.
ജില്ല തിരിച്ചുള്ള കണക്കുകള്‍ അനുസരിച്ച് തിരുവനന്തപുരം റൂറലില്‍ 48 പേരും കൊല്ലം സിറ്റിയില്‍ 19 പേരും റൂറലില്‍ 22 പേരും പത്തനംതിട്ടയില്‍ 9 പേരും കൊച്ചി നഗരത്തില്‍ 22 പേരും റൂറലില്‍ 23 പേരുമാണ് അറസ്റ്റിലായത്.
തൃശൂര്‍ സിറ്റിയില്‍ 14 പേരും റൂറലില്‍ 3 പേരും പാലക്കാട്ട് 62 പേരും മലപ്പുറത്ത് 27 പേരും കോഴിക്കോട്ട് നഗരത്തില്‍ 13 പേരും റൂറലില്‍ 6 പേരും വയനാട്ടില്‍ 17 പേരും കണ്ണൂരില്‍ 88 പേരും കാസര്‍കോട്ട് 56 പേരും അറസ്റ്റിലായി.