2009 ലാണ് പരസ്യം ചിത്രീകരിച്ചത്. ഈ സമയത്ത് താന്‍ സിനിമകളില്‍ അഭിനയിക്കാന്‍ തുടങ്ങിയിട്ടില്ല. തിയേറ്റര്‍ ആര്‍ട്ടിസ്റ്റുകള്‍ ഇത്തരം പരസ്യങ്ങളുടെ ഭാഗമാകാറുണ്ട്. അതുപോലെ താനും ചെയ്തുവെന്ന് മാത്രം. ഈ പരസ്യം നിരവധി വിവാദങ്ങള്‍ക്കും പ്രതിഷേധങ്ങള്‍ക്കും ശേഷമാണ് പുറത്തിറങ്ങിയത്. 2011 ലാണ് പരസ്യം റിലീസായതെന്നും അപര്‍ണ പറഞ്ഞു.
പരസ്യത്തിന്റെ ഭാഗമാകാന്‍ കഴിഞ്ഞതില്‍ അഭിമാനിക്കുന്നു. എന്നാല്‍ പരസ്യത്തില്‍ പറയുന്ന കാര്യങ്ങളില്‍ താന്‍ വിശ്വസിക്കുന്നില്ലെന്നും അവര്‍ പറഞ്ഞു. പരസ്യം ചെയ്യുമ്പോള്‍ താന്‍ അത്ര അറിയപ്പെട്ടിരുന്നില്ല. ഇന്ന് താനൊരു സിനിമാ നടിയാണ്. ഇതിനാലാണ് പരസ്യത്തിന്റെ പേരില്‍ ഇപ്പോള്‍ വിവാദമുണ്ടാക്കുന്നതെന്നും അപര്‍ണ പറഞ്ഞു.
