സംസ്ഥാനത്ത് വീണ്ടും നിപ മരണം സ്ഥിരീകരിച്ചതോടെ കൂടുതല്‍ കടുത്ത നിയന്ത്രണങ്ങളുമായി ആരോഗ്യവകുപ്പ്. നിപ സ്ഥിരീകരിച്ച് മരിച്ച പാലക്കാട് മണ്ണാര്‍ക്കാട് സ്വദേശിയുടെ വീടിന് 3 കിലോമീറ്റര്‍ ചുറ്റളവില്‍ പ്രവേശനനിയന്ത്രണം ഏര്‍പ്പെടുത്തി. കണ്ടെയ്‌ന്മെന്റ് സോണുകള്‍ ഉടനെ പ്രഖ്യാപിക്കും. പാലക്കാട് കുമരംപുത്തൂര്‍ സ്വദേശിയായ 58 കാരന്റെ സമ്പര്‍ക്കപട്ടികയില്‍ പെട്ടിട്ടുള്ള ആളുകള്‍ ക്വാറന്റൈനില്‍ പോകണമെന്ന് ആരോഗ്യവകുപ്പ് നിര്‍ദേശം നല്‍കി.
