യമനില്‍ വധശിക്ഷയ്ക്ക് വിധിക്കപ്പെട്ട മലയാളി നഴ്‌സ് നിമിഷപ്രിയയുടെ മോചനത്തിനായി ഇടപെടല്‍ നടത്തി സമസ്ത കേരള ജംഇയതുല്‍ ഉലമ ജനറല്‍ സെക്രട്ടറിയായ എ പി അബൂബക്കര്‍ മുസലിയാര്‍. യമനിലെ മതപുരോഹിതനുമായി കാന്തപുരം ചര്‍ച്ചകള്‍ നടത്തിയതായാണ് വിവരം. യമനിലെ സുന്നി പണ്ഡിതനായ സൈഇദ് ഉമര്‍ ഹഫീസ് വഴി മരണപ്പെട്ട യെമന്‍ പൗരന്‍ തലാലിന്റെ കുടുംബാംഗങ്ങളുമായി ചര്‍ച്ച തുടരാനുള്ള അവസരമാണ് കാന്തപുരം ഒരുക്കിയിരിക്കുന്നത്. കൊല്ലപ്പെട്ട യമന്‍ പൗരന്‍ തലാല്‍ അബ്ദു മെഹ്ദിയുടെ സഹോദരനുമായി കാന്തപുരം സംസാരിച്ചു.
