ജീവനു തുല്യം പ്രാണനാഥനെ സ്നേഹിച്ചവളാണ് നീനു. പ്രണയത്തിന്റെ പേരിൽ അവൾക്ക് നഷ്ടപ്പെട്ടത് കെവിന്റെ ജീവൻ തന്നെയായിരുന്നു. നീനുവിന്റെ പിതാവും സഹോദരനുമാണ് കെവിന്റെ ജീവനെടുത്തത്. എന്നാൽ, കെവിന്റെ പിതാവ് ജോസഫിനും മാതാവ് മേരിക്കുമൊപ്പമാണ് നീനു ഇപ്പോൾ കഴിയുന്നത്.
നീനുവിനും ഇപ്പോൾ ഇത് സ്വന്തം വീടാണ്. ‘ഈ അമ്മയുടെ മരുമകളായി സ്വപ്നംകണ്ടിരുന്നതാണ് ഞാന്‍. പക്ഷേ, ഇപ്പം ഞാനവര്‍ക്ക് മകളാണ്. ഇതുപോലൊരു അച്ഛനും അമ്മയും ഭാഗ്യമാണ്. പക്ഷേ, ഇതൊന്നും കാണേണ്ടയാൾ ഒപ്പമില്ലാതെയായി‘- നീനു കണ്ണീരോടെ പറയുന്നു.
