ദേശീയ പണിമുടക്ക് കേരളത്തില്‍ ബന്ദിന് സമാനം; ദുരിതത്തിലായി സാധാരണക്കാര്‍

സിആര്‍ രവിചന്ദ്രന്‍

ബുധന്‍, 9 ജൂലൈ 2025 (10:52 IST)
ദേശീയ പണിമുടക്ക് കേരളത്തില്‍ ബന്ദിന് സമാനമായി. സംസ്ഥാനത്ത് കെഎസ്ആര്‍ടിസി ബസ്സുകളുടെ സര്‍വീസ് നിര്‍ത്തിവച്ചതോടെ സാധാരണ കാര്‍ ബുദ്ധിമുട്ടിലായി. വാഹനങ്ങള്‍ ലഭിക്കാതായതോടെ പ്രധാന ബസ്റ്റാന്‍ഡുകളിലെല്ലാം യാത്രക്കാര്‍ ബുദ്ധിമുട്ടിലായി. പോലീസ് സംരക്ഷണം ഇല്ലാത്തതിനാല്‍ ബസ് എടുക്കാന്‍ സാധിക്കില്ലെന്നും പോലീസ് സംരക്ഷണം നല്‍കിയാല്‍ സര്‍വീസ് നടത്താമെന്നും ബസ് ജീവനക്കാര്‍ പറയുന്നു.
 
അതേസമയം കോഴിക്കോട് മെഡിക്കല്‍ കോളേജില്‍ ജോലി ചെയ്യുന്നവര്‍ റെയില്‍വേ സ്റ്റേഷനില്‍ വാഹനം കിട്ടാതെ കുടുങ്ങിക്കിടക്കുകയാണ്. അത്യാവശ്യ സേവനമേഖലയായിട്ടും ഇവര്‍ക്ക് മെഡിക്കല്‍ കോളേജില്‍ എത്താനായിട്ടില്ല. മെഡിക്കല്‍ കോളേജില്‍ നിന്ന് തന്നെ വാഹനം എത്തിക്കാനാണ് ശ്രമിക്കുന്നത്. 
 
അതേസമയം ഇടുക്കിയില്‍ കെഎസ്ആര്‍ടിസി സര്‍വീസ് നടത്തുന്നുണ്ട്. കട്ടപ്പനയില്‍ നിന്നും 15 ബസുകളും കുമളിയില്‍ നിന്ന് 5 ഉം അയച്ചതായി കെഎസ്ആര്‍ടിസി അറിയിച്ചു. ജീവനക്കാരില്‍ പലരും ജോലിക്ക് എത്തിയിട്ടില്ല.

വെബ്ദുനിയ വായിക്കുക

അനുബന്ധ വാര്‍ത്തകള്‍