ചേർത്തലയിൽ വാഹനാപകടം: രണ്ടു പേർ മരിച്ചു

ആലപ്പുഴ:  ചേർത്തലയിൽ വാഹന അപകടത്തിൽ രണ്ടു പേർക്ക് ദാരുണാന്ത്യം. പട്ടണക്കാട് സ്വദേശി ആർആർ ജയരാജ് (33), തിരുവനന്തപുരം സ്വദേശി ചിഞ്ചു എന്നിവരാണ് മരിച്ചത്. ഇരുവരും ബൈക്ക് യാത്രക്കാരായിരുന്നു. 

ദേശീയ പാതയിൽ ചേർത്തല സെൻ്റ് മൈക്കിൾസ് കോളേജിന് മുന്നിലാണ് അപകടം നടന്നത്. കാർ എതിരെ വന്ന ബൈക്കിലിടിച്ച ശേഷം നിയന്ത്രണം വിട്ട് ഇരു വാഹനങ്ങളും തൊട്ടടുത്തുണ്ടായിരുന്ന ട്രെയ്ലർ ലോറിയിൽ ഇടിക്കുകയായിരുന്നു. 

ദേശീയ പാത നിർമാണ കമ്പനിയുടേതാണ് ട്രെയ്ലർ ലോറി. സംഭവസ്ഥലത്തു തന്നെ ബൈക്ക് യാത്രക്കാരായ രണ്ടുപേരും മരിച്ചു. മൃതദേഹങ്ങൾ ആശുപത്രിയിലേക്ക് മാറ്റി.