തിരുവനന്തപുരം: പണാപഹരണം നടത്തിയ മുൻ പഞ്ചായത്ത് സെക്രട്ടറിയെ വിജിലൻസ് കോടതി പത്ത് വർഷത്തെ കഠിന തടവിന് ശിക്ഷിച്ചു. കോട്ടയത്തെ മുണ്ടക്കയം ഗ്രാമ പഞ്ചായത്ത് മുൻ സെക്രട്ടറി ആർ.ശ്രീകുമാറിനെയാണ് കോടതി ശിക്ഷിച്ചത്.കേസിൽ ആരോപിച്ച കുറ്റം തെളിഞ്ഞതിനു അഞ്ചു വകുപ്പുകളിലായി ഓരോ വകുപ്പിനും രണ്ടു വർഷം വീതം കഠിന തടവിനൊപ്പം 95000 പിഴയും വിധിച്ചു. തൊഴിലുറപ്പു പദ്ധതിക്കായി കൃഷി ഉപകരണങ്ങൾ വാങ്ങിയതുമായി ബന്ധപ്പെട്ടാണ് പണാപഹരണം നടത്തിയത്.
