കൊല്ലം: പ്രായപൂർത്തി ആകാത്ത പെൺകുട്ടിയെ തട്ടിക്കൊണ്ടുപോകാൻ ശ്രമിച്ച നാലംഗ സംഘത്തെ പോലീസ് അറസ്റ്റ് ചെയ്തു. കൊല്ലം വടക്കേവിള മുള്ളുവിള കരിവേലിൽ വിമൽ എന്ന പ്രഭു, പുന്തലത്താഴം ചരുവിള വീട്ടിൽ സുബി, ചരുവിള വീട്ടിൽ ആനന്ദ് എന്നിവരും പ്രായപൂർത്തി ആകാത്ത മറ്റൊരു യുവാവുമാണ് കിളികൊല്ലൂർ പോലീസ് പിടിയിലായത്.
പഠിക്കാൻ പോയി വീട്ടിലേക്ക് മടങ്ങാൻ ബസ് കാത്തുനിൽക്കവേ പെൺകുട്ടിയെ കാറിലെത്തിയ സംഘം പ്രലോഭിപ്പിച്ചു കാറിൽ കടത്തിക്കൊണ്ടു പോവുകയായിരുന്നു. നേരം വൈകിയിട്ടും കുട്ടി എത്താത്തതിനെ തുടർന്ന് രക്ഷിതാക്കൾ പോലീസിൽ പരാതി നൽകി. സിറ്റി പോലീസ് നൽകിയ വിവരം അനുസരിച്ചു പോലീസ് വ്യാപകമായ തിരച്ചിൽ തുടങ്ങി.
ഇതിനിടെ പൊലീസിലെ ഒരു സംഘം ഇവരുടെ കാർ തടയാൻ ശ്രമിച്ചെങ്കിലും അമിതവേഗത്തിൽ കാറുമായി സംഘം കടന്നു. പോലീസ് ഈ കാർ പിന്തുടർന്നു സാഹസികമായി ഇവരെ കീഴ്പ്പെടുത്തുകയായിരുന്നു. ഇവർ സഞ്ചരിച്ച കാറും പോലീസ് പിടിച്ചെടുത്തിട്ടുണ്ട്.