വിവാഹവീഡിയോയിലെ ദൃശ്യങ്ങളില്‍ ബിബീഷ് മോര്‍ഫിങ് നടത്തുന്നതായി സ്റ്റുഡിയോ ഉടമയ്ക്കും ഫോട്ടോഗ്രാഫര്‍ക്കും അറിയാമായിരുന്നു. എന്നാല്‍ എഡിറ്റിംഗ് വിദഗ്ധനായ ബിബീഷിനെതിരെ ഇവര്‍ നടപടിയെടുത്തില്ല. നാട്ടുകാര്‍ സംഘടിച്ച് ബിബീഷ് ഉപയോഗിച്ചിരുന്ന ഹാര്‍ഡ് ഡിസ്ക് പിടിച്ചെടുത്തപ്പോഴാണ് മോര്‍ഫ് ചെയ്ത ദൃശ്യങ്ങള്‍ ലഭിച്ചത്. ഈ ഹാര്‍ഡ് ഡിസ്കില്‍ മൊത്തം 46000 ചിത്രങ്ങള്‍ ഉണ്ടായിരുന്നതായും അതില്‍ നൂറിലധികം മോര്‍ഫ് ചെയ്ത ചിത്രങ്ങള്‍ ഉണ്ടെന്നും റിപ്പോര്‍ട്ടുകളുണ്ട്.
