കേരള സഹകരണ ബാങ്ക് രൂപീകരിക്കുന്നതിന് സംസ്ഥാന സഹകരണ ബാങ്കിനെയും പതിനാല് ജില്ലാ സഹകരണ ബാങ്കുകളെയും ലയിപ്പിക്കാൻ മന്ത്രിസഭായോഗം തീരുമാനിച്ചു. ഹ്രസ്വകാല വായ്പാ സഹകരണ സംഘങ്ങളെ ത്രിതലത്തില്‍ നിന്നും ദ്വിതലത്തിലേക്ക് മാറ്റാനും തീരുമാനമായി. റിസര്‍വ് ബാങ്ക് മുന്നോട്ടുവെച്ച നിബന്ധനകള്‍ക്ക് വിധേയമായാണ് ഈ മാറ്റം വരുത്തുക.
റിസര്‍വ് ബാങ്ക് മാനദണ്ഡപ്രകാരമുള്ള സാമ്പത്തികവും നിയമപരവും ഭരണപരവുമായ വ്യവസ്ഥകള്‍ പാലിച്ച് 2019 മാര്‍ച്ച് 31ന് മുൻപായി ലയന നടപടികള്‍ പൂര്‍ത്തീകരിക്കണമെന്നാണ് റിസർവ് ബങ്ക് സംസ്ഥാനത്തിന് അയച്ച കത്തിൽ വ്യക്തമാക്കിയിരുന്നത്. ലയനം പൂർത്തിയാക്കിയതായി റിസർവ് ബാങ്കിനെ ബോധ്യപ്പെടുത്തി തുടർ ലൈസൻസിംഗ് സധ്യമാക്കണമെന്നും റിസർവ് ബാങ്ക് നിർദേശം നകിയിരുന്നു.
