പിസി ജോർജിനെ മുന്നണിയിൽ എടുത്താൽ സമാന്തര സ്ഥാനാർഥിയെ നിർത്തുമെന്ന് നേരത്തെ കോൺഗ്രസ് നേതാക്കൾ പ്രതികരിച്ചിരുന്നു. പൊതു സ്വതന്ത്രനായി നിർത്താമെന്നാണ് യു‌ഡിഎഫ് നിലപാട്. എന്നാൽ ഇതിനോട് പിസി ജോർജിന് താല്പര്യമില്ല. കഴിഞ്ഞ ലോക്‌സഭാ തിരെഞ്ഞെടുപ്പിൽ എൻഡിഎയുടെ ഘടകകക്ഷിയായിരുന്നു പിസി ജോർജിന്റെ ജനപക്ഷം. എന്നാൽ തിരെഞ്ഞെടുപ്പിൽ എൻഡിഎ‌യ്‌ക്ക് വിജയിക്കാനാവാത്തതിനെ തുടർന്ന് എന്‍ഡിഎ എന്നത് കേരളത്തില്‍ തട്ടിക്കൂട്ട് സംവിധാനമാണെന്ന് ആക്ഷേപിച്ച് പി.സി. ജോര്‍ജ് മുന്നണി വിടുകയായിരുന്നു.
