എംപിമാര്‍ നിയമസഭയിലേക്ക് മത്സരിക്കേണ്ടതില്ലെന്ന നിലപാടാണ് വി.ഡി.സതീശന്. എന്നാല്‍ എഐസിസി ജനറല്‍ സെക്രട്ടറി തന്നെ നിയമസഭയിലേക്ക് മത്സരിക്കാന്‍ താല്‍പര്യം പ്രകടിപ്പിക്കുമ്പോള്‍ കാര്യങ്ങള്‍ സതീശനു അനുകൂലമായി നടക്കില്ല. നിയമസഭാ തിരഞ്ഞെടുപ്പില്‍ യുഡിഎഫ് അധികാരത്തിലെത്തിയാല്‍ മുഖ്യമന്ത്രി സ്ഥാനത്തിനായും വേണുഗോപാല്‍ രംഗത്തുണ്ടാകും.
കെ.സി.വേണുഗോപാല്‍ നിയമസഭയിലേക്ക് മത്സരിക്കുകയാണെങ്കില്‍ മറ്റു എംപിമാരും സമാന ആഗ്രഹം പ്രകടിപ്പിക്കാന്‍ സാധ്യതയുണ്ട്. ശശി തരൂര്‍, അടൂര്‍ പ്രകാശ്, ബെന്നി ബെഹനാന്‍, ഷാഫി പറമ്പില്‍ എന്നിവര്‍ക്കാണ് നിയമസഭയിലേക്കും മത്സരിക്കാന്‍ താല്‍പര്യമുണ്ട്.
