മലപ്പുറം : മലപ്പുറത്ത് വിവാഹ ദിവസം നവവരനെ ജീവനൊടുക്കിയ നിലയില്‍ കണ്ടെത്തി. കരിപ്പൂര്‍ കുമ്മിണിപ്പറമ്പ് സ്വദേശി ജിബിന്‍ എന്ന മുപ്പതു കാരനാണ് മരിച്ചത്. ജിബിനെ വീട്ടിലെ ശുചിമുറിയിലാണ് കൈഞരമ്പ് മുറിച്ച നിലയില്‍ കണ്ടെത്തിയത്. ആത്മഹത്യയാണെന്നാണ് പോലീസിന്റെ പ്രാഥമിക നിഗമനം. കാരണം വ്യക്തമല്ല. ഗള്‍ഫ് രാജ്യമായ ഷാര്‍ജയില്‍ ജോലി ചെയ്യുന്ന ജിതിന്‍ വിവാഹത്തിനാണ് നാട്ടില്‍ എത്തിയത്.
എന്നാല്‍ വിവാഹത്തില്‍ എതിര്‍പ്പ് പറഞ്ഞിരുന്നില്ലെന്നും,എന്തെങ്കിലും പ്രശ്‌നങ്ങളുള്ളതായി ബന്ധുക്കള്‍ക്കോ സുഹൃത്തുക്കള്‍ക്കോ സൂചന ഒന്നും ഇല്ലായിരു എന്നുമാണ് പറയുന്നത്. മരിച്ച ജിബിന്റെ ഫോണ്‍ വിശദമായ പരിശോധനയ്ക്ക് അയക്കാനാണ് പൊലീസിന്റെ തീരുമാനം. കൂടുതല്‍ വിവരങ്ങള്‍ അറിവായിട്ടില്ല.
