പെൺകുട്ടിയുമായി സ്കൂൾ പഠനകാലത്ത് പ്രണയത്തിലായിരുന്ന യുവാവ് ഈ സമയത്ത് നഗ്നദൃശ്യങ്ങൾ ആവശ്യപ്പെടുകയും പെൺകുട്ടി അത് നൽകുകയും ചെയ്തിരുന്നു. നിരവധി തവണ ഇയാൾ പെൺകുട്ടിയെ പീഡിപ്പിക്കുകയും ചെയ്തിരുന്നു. കുറച്ചു കഴിഞ്ഞപ്പോള്‍ സഹപാഠികളായ പെണ്‍കുട്ടികളുടെ നഗ്‌നചിത്രങ്ങള്‍ അയച്ചുകൊടുക്കണമെന്ന് ഇയാള്‍ പെണ്‍കുട്ടിയോട് ആവശ്യപ്പെട്ടു തുടങ്ങി.
സുഹൃത്തുക്കളുടെ നഗ്നദൃശ്യങ്ങൾ അവരറിയാതെ എടുത്ത് നൽകാൻ ആയിരുന്നു യുവാവ് ആവശ്യപ്പെട്ടത്. എന്നാൽ, പെൺകുട്ടി ഇതിനു തയ്യാറായില്ല. പെണ്‍കുട്ടിയില്‍ നിന്ന് വിവരമറിഞ്ഞ സഹപാഠികള്‍ ഇതു കോളജ് അധികൃതരെ അറിയിക്കുക ആയിരുന്നു. ഇതോടെ പ്രശ്‌നം രൂക്ഷമായി. തുടര്‍ന്നാണ് ശാന്തന്‍പാറ പൊലീസില്‍ പരാതി നല്‍കുന്നതും യുവാവിനെ പിടികൂടുന്നതും.
