വ്യാജരേഖയുണ്ടാക്കി പോണ്ടിച്ചേരിയില്‍ വാഹനം രജിസ്റ്റര്‍ ചെയ്തതിലൂടെ സംസ്ഥാന ഖജനാവിന് 40 ലക്ഷം രൂപയുടെ നഷ്ടമാണുണ്ടായതെന്നും റിപ്പോര്‍ട്ടില്‍ പറയുന്നു. എംപിയായതിന് ശേഷവും അതിനു മുമ്പും രണ്ട് വാഹനങ്ങളാണ് സുരേഷ് ഗോപി പോണ്ടിച്ചേരിയില്‍ രജിസ്റ്റര്‍ ചെയ്തത്. പുതുച്ചേരിയിലെ എല്ലൈപിള്ളചാവടി എന്ന സ്ഥലത്തുള്ള കാര്‍ത്തിക് അപ്പാര്‍ട്ട്‌മെന്റ് 3 സി എ എന്ന വിലാസത്തിലായിരുന്നു വാഹനത്തിന്റെ രജിസ്ട്രേഷന്‍.
എന്നാല്‍ ഈ പേരിലുള്ള ഒരു അപ്പാര്‍ട്ട്മെന്റും അവിടെ ഇല്ലെന്നാണ് ക്രൈംബ്രാഞ്ച് നടത്തിയ അന്വേഷണത്തില്‍ കണ്ടെത്തിയതെന്ന് അധികൃതര്‍ പറയുന്നു. വ്യാജ രേഖയുണ്ടാക്കിയെന്ന വാര്‍ത്ത പുറത്ത് വന്നതിന് ശേഷം സുരേഷ് ഗോപി മോട്ടോര്‍ വാഹനവകുപ്പിന് എല്ലാ രേഖകളും നല്‍കിയിരുന്നെങ്കിലും ഇത് തൃപ്തികരമല്ലെന്ന് അധികൃതര്‍ വ്യക്തമാക്കുകയായിരുന്നു.
