കടം പറഞ്ഞുവച്ച ലോട്ടറിക്ക് ആറുകോടി അടിച്ചിട്ടും കൊടുത്തവാക്കിന്റെ ശക്തിയില്‍ കുലുങ്ങാതെ ലോട്ടറി വില്‍പ്പനക്കാരി. സ്മിജ എന്ന ലോട്ടറി വില്‍പ്പനക്കാരിയാണ് ആ വലിയ വാക്കിന്റെ ഉടമ. ആലുവ സ്വദേശിയായ ചന്ദ്രനാണ് ആറുകോടിയുടെ ലോട്ടറി അടിച്ചത്. സ്മിജയുടെ ഇളമകനായ രണ്ടുവയസുകാരന്‍ അര്‍ബുധ രോഗ ബാധിതനാണ്. കൂടാതെ മൂത്തമകനായ 13കാരന്‍ മസ്തിഷ്‌കത്തിലെ അണുബാധയ്ക്ക് ചികിത്സയിലാണ്. ജീവിത പ്രാരാബ്ധങ്ങള്‍ കഠിനമാണെങ്കിലും ആറുകോടിക്ക് സ്മിജയെ കുലുക്കാന്‍ സാധിച്ചില്ല.
