സമ്മതിദായകര്ക്ക് തിരിച്ചറിയല് രേഖകളായി കേന്ദ്ര തിരഞ്ഞെടുപ്പ് കമ്മീഷന്റെ തിരിച്ചറിയല് കാര്ഡ്, പാസ്പോര്ട്ട്, ഡ്രൈവിംഗ് ലൈസന്സ്, പാന് കാര്ഡ്, ആധാര് കാര്ഡ്, ഫോട്ടോ പതിച്ചുള്ള എസ്.എസ്.എല്.സി. ബുക്ക്, ദേശസാല്കൃത ബാങ്ക് ആറുമാസകാലയളവിന് മുമ്പു വരെ നല്കിയിട്ടുള്ള ഫോട്ടോ പതിച്ച പാസ്ബുക്ക്, സംസ്ഥാന തിരഞ്ഞെടുപ്പ് കമ്മീഷന് നല്കിയ തിരിച്ചറിയല് കാര്ഡ് എന്നിവ ഉപയോഗിക്കാം.
ഇടുക്കി, കാസര്ഗോഡ് ഒഴികെ 12 ജില്ലകളിലെ ഒരു ജില്ലാ പഞ്ചായത്ത്, ഒരു ബ്ലോക്ക് പഞ്ചായത്ത്, ഒരു കോര്പ്പറേഷന്, രണ്ട് മുനിസിപ്പാലിറ്റി, 23 ഗ്രാമപഞ്ചായത്ത് വാര്ഡുകളിലാണ് ഉപതിരഞ്ഞെടുപ്പ്. ആകെ 97 സ്ഥാനാര്ത്ഥികളാണ് ജനവിധി തേടുന്നത്. അതില് 40 പേര് സ്ത്രീകളാണ്.
വോട്ടര്പട്ടിക ജനുവരി 30 ന് പ്രസിദ്ധീകരിച്ചു. ആകെ 1,22,473 വോട്ടര്മാര്. 58,315 പുരുഷന്മാരും 64,155 സ്ത്രീകളും 3 ട്രാന്സ്ജെന്ഡറുകളും. പ്രവാസി വോട്ടര്പട്ടികയില് 10 പേര്.