തിരുവനന്തപുരം: അടുത്ത് നടക്കാനിരിക്കുന്ന തദ്ദേശ ഭരണ തെരഞ്ഞെടുപ്പില്‍ ഭാഷാ ന്യൂനപക്ഷങ്ങള്‍ ഉള്ള നിയോജക മണ്ഡലങ്ങളില്‍ ഉള്ള ചില പഞ്ചായത്തുകളില്‍ തമിഴിലും കന്നടയിലും ബാലറ്റ് പേപ്പര്‍ ഉണ്ടാവും. ബാലറ്റ് പേപ്പറിനൊപ്പം വോട്ടിംഗ് മെഷീനില്‍ പതിപ്പിക്കുന്ന ബാലറ്റ് ലേബല്‍ എന്നിവയും ഇത്തരത്തില്‍ അച്ചടിക്കും. ഇതുമായി ബന്ധപ്പെട്ട സംസ്ഥാന തെരഞ്ഞെടുപ്പ് കമ്മീഷണര്‍ വി.ഭാസ്‌കരന്‍ നിര്‍ദ്ദേശം നല്‍കി.
തിരുവനന്തപുരം, കൊല്ലം, പത്തനംതിട്ട, ഇടുക്കി, പാലക്കാട്, വയനാട് എന്നീ ജില്ലകളിലെ ചില വാര്‍ഡുകളില്‍ മലയാളത്തിനൊപ്പം തമിഴിലും കാസര്‍കോട്ടെ ചില വാര്‍ഡുകളില്‍ കന്നഡ ഭാഷയിലും ബാലറ്റ് പേപ്പറും ബാലറ്റ് ലേബലും അച്ചടിക്കും.
