കഴിഞ്ഞ ദിവസങ്ങളിൽ സോഷ്യൽ മീഡിയ ചർച്ചചെയ്‌തിരുന്നത് കണ്ണൂരിൽ നടന്ന ഒരു വിവാഹമായിരുന്നു. 25 കാരന്‍ 48 കാരിയെ വിവാഹം കഴിച്ചുവെന്ന വ്യാജ പ്രചാരണമായിരുന്നു വാട്‌സ്ആപ്പ്, ഫേസ്ബുക്ക് ഗ്രൂപ്പുകളിൽ വൈറലായിരുന്നത്. സംഭവം സത്യമല്ലെന്ന് പറഞ്ഞ് വധൂവരന്മാർ തന്നെ രംഗത്തുവന്നിരുന്നു.
'വധുവിന് പ്രായം 45, വരന് 25. പെണ്ണിന്ആസ്തി 15 കോടി, 101 പവന്‍ സ്വര്‍ണ്ണവും 50 ലക്ഷം രൂപയും സ്ത്രീ ധനം.”- എന്നായിരുന്നു ഫോട്ടോയ്‌ക്ക് കീഴെവന്ന അടിക്കുറിപ്പ്. കൂടാതെ, സ്വത്ത് മോഹിച്ചാണ് അനൂപ് ജൂബിയെ വിവാഹം ചെയ്‌തത് എന്നും വാർത്തകൾ ഉണ്ടായിരുന്നു. എന്നാല്‍ ഈ പ്രചരണങ്ങളെല്ലാം കള്ളമാണെന്നും ദമ്പതികള്‍ തന്നെ സ്ഥിരീകരിച്ചു. തുടര്‍ന്നാണ് ഇരവരും സൈബര്‍ ഇടത്തിലെ വ്യാജപ്രചരണത്തെ നേരിടാന്‍ പരാതി നല്‍കിയത്.