എറണാകുളത്തിനു പിന്നാലെ തൃശൂര്‍ ജില്ലയിലും കോവിഡ് വ്യാപനം അതിരൂക്ഷം. ഏതാനും ദിവസങ്ങളായി ജില്ലയില്‍ പ്രതിദിന രോഗികള്‍ നൂറിന് മുകളിലാണ്. ജില്ലയില്‍ കോവിഡ് ക്ലസ്റ്ററുകള്‍ രൂപപ്പെട്ടു. ആളുകള്‍ മാസ്‌ക് ധരിക്കാതെ പുറത്തിറങ്ങുന്നത് കൂടി. സാനിറ്റൈസറിന്റെ ഉപയോഗവും കുറഞ്ഞു. ഈ നിലയ്ക്ക് പോയാല്‍ പ്രതിദിന രോഗികളുടെ എണ്ണം 200 കടക്കുമെന്നാണ് വിലയിരുത്തല്‍. ദിവസം ഒരു കോവിഡ് രോഗി മാത്രമുണ്ടായിരുന്ന സ്ഥിതിയില്‍ നിന്നാണ് എണ്ണം കുത്തനെ കൂടിയത്.
