ജൂണ് 17 മുതല് സംസ്ഥാനത്ത് കൂടുതല് ഇളവുകള് അനുവദിച്ചിട്ടുണ്ട്. തദ്ദേശ സ്ഥാപനങ്ങളെ നാലായി തിരിച്ചാണ് ഇനി സംസ്ഥാനത്ത് നിയന്ത്രണങ്ങള് ഏര്പ്പെടുത്തുക. എന്നാല്, എല്ലാ തദ്ദേശ സ്ഥാപനങ്ങളിലും അവശ്യവസ്തുക്കളുടെ കടകള് ദിവസവും രാവിലെ ഏഴ് മുതല് വൈകുന്നേരം ഏഴ് വരെ തുറക്കാന് അനുമതിയുണ്ട്. വ്യാവസായിക, കാര്ഷിക മേഖലകളിലെ പ്രവര്ത്തനങ്ങളും അനുവദിക്കും. ഈ മേഖലകളില് തൊഴിലാളികള്ക്ക് ഗതാഗതവും അനുവദിക്കും.
