കെപിസിസി അധ്യക്ഷ സ്ഥാനത്തുനിന്നും കെ.സുധാകരനെ മാറ്റണമെന്ന് ഒരു വിഭാഗം നേതാക്കള്‍. കെപിസിസി അധ്യക്ഷന്‍ എന്ന നിലയില്‍ സുധാകരന്റെ പ്രവര്‍ത്തനം പരാജയമാണെന്നും സുധാകരനെ അധ്യക്ഷസ്ഥാനത്തു നിന്ന് നീക്കണമെന്നും ആവശ്യപ്പെട്ട് ഒരു വിഭാഗം കോണ്‍ഗ്രസ് എംപിമാര്‍ ഹൈക്കമാന്‍ഡിന് കത്തയച്ചതായാണ് റിപ്പോര്‍ട്ട്. ലോക്‌സഭാ തിരഞ്ഞെടുപ്പ് വരാനിരിക്കെ സുധാകരന്റെ നേതൃത്വവുമായി മുന്നോട്ടു പോകുന്നത് തിരിച്ചടിയാകുമെന്ന് പരാതിയില്‍ പറയുന്നു.
