ബാങ്കിന്റെ കച്ചേരിപ്പടവ് ശാഖയില്‍ നടന്ന തിരിമറി സംബന്ധിച്ച് ഇരിട്ടി പോലീസാണ് കേസ് രജിസ്റ്റര്‍ ചെയ്ത് അന്വേഷണം തുടങ്ങിയത്. കാണാതായ സ്വര്‍ണ്ണത്തില്‍ ഇപ്പോള്‍ ഒളിവിലുള്ള ബാങ്കിലെ താത്കാലിക കാഷ്യര്‍ കൂടിയായ സുധീര്‍ തോമസിന്റെ ഭാര്യയുടേത് അടക്കമുള്ള സ്വര്‍ണ്ണം ഉണ്ടെന്നാണ് സൂചന. ബാങ്കില്‍ പണയം വച്ചിരിക്കുന്ന 18 പാക്കറ്റ് സ്വര്‍ണ്ണാഭണങ്ങള്‍ മാറ്റി പകരം മുക്കുപണ്ടം വച്ചിട്ടുണ്ട് എന്നാണ് പരാതി. കഴിഞ്ഞ പ്രവര്‍ത്തി ദിവസം ബാങ്ക് മാനേജര്‍ എത്തി സംശയം തോന്നി നടത്തിയ അന്വേഷണത്തിലാണ് തട്ടിപ്പ് കണ്ടെത്തിയത്.
