ചാല കമ്പോളത്തിലെ തീ അണച്ചു. വന്‍ അഗ്നിബാധ കണ്ടുകൊണ്ടു നിന്നയാള്‍ കുഴഞ്ഞുവീണു മരിച്ചു. കല്ലാട്ടു സ്വദേശി ഇസ്മയിലാണ് മരിച്ചത്.
വെള്ളിയാഴ്ച വൈകിട്ടോടെയാണ് ചാലയിലെ ഒരു ഫാന്‍സി കടയില്‍ തീപിടുത്തമുണ്ടായത്. തീ മറ്റ് കടകളിലേക്ക് പടര്‍ന്നതിനെ തുടര്‍ന്ന് ആറ് കടകള്‍ പൂര്‍ണമായും കത്തി നശിച്ചു.
വിമാനത്താവളത്തിലേത് അടക്കം പത്തോളം ഫയര്‍ഫോഴ്സ് യൂണിറ്റുകളും ജല പീരങ്കിയും ഉപയോഗിച്ച് നടത്തിയ രക്ഷാപ്രവര്‍ത്തനത്തിനൊടുവില്‍ രാത്രി ഒന്‍പതു മണിയോടെ തീ നിയന്ത്രണ വിധേയമാക്കി. കടയിലെ ഷോര്‍ട്ട് സര്‍ക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം.