' ക്രൈസ്തവ വിശ്വാസത്തിനെതിരെയാണ് സിനിമ. ഇത് ക്രിസ്ത്യന്‍ വിശ്വാസങ്ങള്‍ക്കും ക്രൂശിതരൂപത്തിനും എതിരാണ്. ഇന്ത്യയിലെ എല്ലാ ക്രിസ്ത്യാനികളും ഈ സിനിമയ്ക്ക് എതിരാണ്. കെസിബിസിയും സിബിസിഐയും ഈ സിനിമയെ എതിര്‍ത്തിരിക്കുന്നു,' ജോര്‍ജ് കുര്യന്‍ പറഞ്ഞു.
ക്രൈസ്തവ വിശ്വാസങ്ങളെ എമ്പുരാനില്‍ അവഹേളിക്കുന്നതായി നേരത്തെ ആരോപണം ഉയര്‍ന്നിരുന്നു. സിനിമയില്‍ കാണിച്ചിരിക്കുന്ന കുരിശ്, തകര്‍ക്കപ്പെട്ട പള്ളി, പിശാചുമായി ബന്ധപ്പെട്ട വാക്കുകള്‍ എന്നിവയാണ് ക്രൈസ്തവ വിശ്വാസത്തിനെതിരായി ചൂണ്ടിക്കാട്ടുന്നത്.
