സിപിഎം പോളിറ്റ് ബ്യൂറോ അംഗവും നിയമസഭാകക്ഷി ഉപനേതാവുമായ കൊടിയേരി ബാലകൃഷ്ണന്റെ മകന്‍ ബിനീഷ് കോടിയേരി ഹാര്‍ലി ഡേവിഡ്‌സണ്‍ ബൈക്ക് നെറ്റില്‍ ഹിറ്റാകുന്നു. 15 ലക്ഷം രൂപ ഹാര്‍ലി ഡേവിഡ്‌സണ്‍ എഫ്എക്‌സ്ഡിഎഫ് ഫാറ്റ് ബോബ് 2015 എഡിഷനാണ് ബിനീഷ് സ്വന്തമാക്കിയത്. എന്തായാലും സംഭവം ഫേസ്ബുക്കില്‍ കത്തുകയാണ്. സിപിഎം വിരുദ്ധര്‍ ഒന്നടങ്കം കമന്റുകളും ഷെയറുമായി തകര്‍ക്കുകയാണ്.
ഇന്ത്യയില്‍ ഫാറ്റ് മോബ് 2015 എഡിഷനിലുള്ള സ്വന്തമാക്കിയ വ്യക്തിയാണ് ബിനീഷ് കോടിയേരി. വാഹനത്തിലിരിക്കുന്ന ബിനീഷിന്റെ വിവിധ ചിത്രങ്ങളും പ്രചരിക്കുന്നുണ്ട്. 'വിപ്ലവം ഹാര്‍ലിയിലൂടെ' എന്നാണ് ചിലരുടെ പരിഹാസം.
ബിനീഷ് സിനിമാ നടനാണെന്നു ചൂണ്ടിക്കാട്ടി പ്രതിരോധിക്കാന്‍ ചില സിപിഎം അനുഭാവികള്‍ ശ്രമിക്കുന്നുണ്ട്. സിനിമയില്‍നിന്ന് ബിനീഷിന് എത്ര പ്രതിഫലം കിട്ടുന്നുണ്ടെന്ന് എല്ലാവര്‍ക്കും അറിയാം എന്നാണ് ഇതിനുള്ള ചിലരുടെ മറുപടി.
തിരുവനന്തപുരം മാര്‍ ഇവാനിയോസ് കോളജില്‍നിന്ന് ബിരുദം നേടിയ ശേഷം ലോ അക്കാദമിയില്‍നിന്ന് എല്‍എല്‍ബി പാസായ ബിനീഷ് കോടിയേരി രവി പിള്ളയുടെ ഗള്‍ഫിലുള്ള ബിസിനസ് സ്ഥാപനങ്ങളുടെ വൈസ് പ്രസിഡന്റായി ചുമതലയേറ്റിരുന്നു. ഈ ജോലി പിന്നീട് ഉപേക്ഷിക്കുകയും ചെയ്തു. ഇപ്പോള്‍ സെലിബ്രിറ്റി ക്രിക്കറ്റ് ലീഗുമായും ബന്ധപ്പെട്ട് സജീവമാണ്.