അരുവിക്കര ഉപതെരഞ്ഞെടുപ്പിലെ ബിജെപി സ്ഥാനാര്‍ത്ഥിയെ ഇന്ന് പ്രഖ്യാപിക്കും. ഇന്നു നടക്കുന്ന പാര്‍ട്ടി ജില്ലാ കോര്‍കമ്മിറ്റി യോഗത്തില്‍ സ്ഥാനാര്‍ഥിയെ തീരുമാനിക്കും. കഴിഞ്ഞ തെരഞ്ഞെടുപ്പില്‍ സ്ഥാനാര്‍ത്ഥിയായ സംസ്ഥാന സെക്രട്ടറി സി ശിവന്‍കുട്ടിയ്ക്ക് തന്നെയാണ് മുന്‍ഗണന.
അതിനിടെ തിരഞ്ഞെടുപ്പിന് മുതിര്‍ന്ന നേതാക്കള്‍ മത്സരിക്കണമെന്ന് ആവശ്യമുയര്‍ന്നിട്ടുണ്ട്. സ്ഥാനാര്‍ത്ഥിയായി ഒ രാജഗോപാലിനേയും പരിഗണിക്കുന്നുണ്ടെന്നാണ് സൂചന. ഇടതുമുന്നണിയുടെ സ്ഥാനാര്‍ഥി സിപിഎമ്മിലെ എം. വിജയകുമാറും യുഡിഎഫിന്റെ സ്ഥാനാര്‍ഥി ജി. കാര്‍ത്തികേയന്റെ മകന്‍ കെ.എസ്. ശബരീനാഥുമാണ്.