പ്രധാനമായും വാട്ട്‌സ്ആപ് ഗ്രൂപ്പുകളാണ് ഇത്തരത്തില്‍ 'ഞെട്ടിക്കുന്ന' വ്യാജവാര്‍ത്തകള്‍ സൃഷ്ടിക്കുന്നവരുടെ പ്രധാന പ്രവര്‍ത്തനമേഖല. സനുഷ വാഹനാപകടത്തില്‍ മരിച്ചതായ വാര്‍ത്ത ഞായറാഴ്ച വൈകിയാണ് വാട്ട്‌സ്ആപ് ഗ്രൂപ്പുകളില്‍ പ്രചരിച്ചത്. കാര്‍ അപകടത്തില്‍ മരിച്ചു എന്ന തരത്തിലായിരുന്നു വാര്‍ത്ത. സനുഷയുടെ ചിത്രത്തിനൊപ്പം അപകടത്തില്‍പ്പെട്ട് തകര്‍ന്ന, തിരുവനന്തപുരം രജിസ്‌ട്രേഷനിലുള്ള ഒരു ഇന്നോവ കാറിന്റെ ചിത്രവുമുണ്ടായിരുന്നു.
'യാത്രയില്‍ അപകടം വല്ലതും പറ്റിയോ' എന്നായിരുന്നു എല്ലാവര്‍ക്കും ചോദിക്കാനുണ്ടായിരുന്നത്. കൊല്ലൂര്‍ മൂകാംബിക ക്ഷേത്രം സന്ദര്‍ശിച്ച് തിരികെയുള്ള യാത്രയിലായിരുന്നു താനെന്നും സനുഷ. തുടര്‍ന്ന് നടത്തിയ അന്വേഷണത്തിലാണ് വാട്ട്‌സ്ആപില്‍ ഇത്തരമൊരു പ്രചരണം ശ്രദ്ധയില്‍പ്പെട്ടത്. സംഭവം ദുഖകരമാണെന്നും സൈബര്‍ സെല്ലില്‍ പരാതി നല്‍കുമെന്നും സനുഷ പറയുന്നു. ഇതോടെ സത്യാവസ്ഥ വ്യക്തമാക്കാന്‍ ഫെയ്‌സ്ബുക്ക് ലൈവില്‍ എത്തുമെന്ന് സനുഷ പറഞ്ഞു.
