എ കെ ശശീന്ദ്രനെതിരെ മാധ്യമ അധാര്‍മ്മികതയാണ് മംഗളം ടെലിവിഷന്‍ നടത്തിയതെന്ന് ചൂണ്ടിക്കാട്ടി ചാനലില്‍ നിന്ന് വനിതാ മാധ്യമപ്രവര്‍ത്തക രാജിവെച്ചു. മംഗളം ടിവിയില്‍ സബ് എഡിറ്ററായി ജോലി ചെയ്തിരുന്ന അല്‍ നിമാ അഷ്‌റഫ് ആണ് ചാനലിന്റെ വാര്‍ത്താ നയത്തില്‍ പ്രതിഷേധിച്ച് സ്ഥാപനം വിട്ടത്. ഈ ഒരൊറ്റ സംഭവത്തോടെ സംസ്ഥാനത്തെ മുഴുവൻ വനിതാ മാധ്യമ പ്രവർത്തകരും സംശയത്തിന്റെ നിഴലിലാകുകയും അപമാനിതരാകുകയും ചെയ്യുന്ന സാഹചര്യമാണ് ഉണ്ടായതെന്നും അത് വളരെ സങ്കടകരമാണെന്നും അല്‍ നിമാ അഷ്‌റഫ് തന്റെ ഫേസ്‌ബുക്ക് പോസ്റ്റിലൂടെ വ്യക്തമാക്കുന്നു.