അബ്‌ദുള്ളക്കുട്ടിയെ കൊലപ്പെടുത്താന്‍ കെ സുധാകരന്‍ പദ്ധതി തയ്യാറാക്കിയിരുന്നു എന്ന് ആരോപണം. സി പി എം സംസ്ഥാന സെക്രട്ടേറിയറ്റ് അംഗം എം വി ഗോവിന്ദന്‍ മാസ്റ്റര്‍ ആണ് ആരോപണം ഉന്നയിച്ചിരിക്കുന്നത്. 2009ലെ ലോക്സഭാ തെരഞ്ഞെടുപ്പ് കാലത്ത് എ പി അബ്‌ദുള്ളക്കുട്ടിയെ കൊലപ്പെടുത്താന്‍ ചാലക്കുടിയില്‍ നിന്നും ഗുണ്ടാസംഘത്തെ ഇറക്കിയെന്നും അദ്ദേഹം ആരോപിച്ചു.
പോളിംഗ് സ്റ്റേഷനുകള്‍ സന്ദര്‍ശിക്കുന്നതിനിടയില്‍ ഗുണ്ടാസംഘത്തെ അറസ്റ്റ് ചെയ്ത വിവരം അറിഞ്ഞെത്തിയ സുധാകരന്‍ അവരെ സ്റ്റേഷനില്‍ നിന്നും ഇറക്കിക്കൊണ്ടു പോകുകയായിരുന്നെന്നും തെരഞ്ഞെടുപ്പ് അട്ടിമറിക്കാനെന്ന് പ്രചാരണം കിട്ടിയ സംഭവം യഥാര്‍ഥത്തില്‍ കൊലപാതകത്തിനുള്ള നീക്കമായിരുന്നെന്നും ഗോവിന്ദന്‍ മാസ്റ്റര്‍ പറഞ്ഞു.
