ഞായറാഴ്ച വൈകിട്ട് കുട്ടി ഐസ്‌ക്രീം കഴിച്ചിരുന്നു. അതിനു പിന്നാലെ ശക്തമായ ഛര്‍ദി അനുഭവപ്പെടുകയായിരുന്നു. തുടര്‍ന്ന് വീടിനു സമീപത്തെ ക്ലിനിക്കിലും പിന്നീട് മേപ്പയ്യൂരിലെ ആശുപത്രിയിലും ചികിത്സ തേടി. തിങ്കളാഴ്ച പുലര്‍ച്ചെ ശാരീരിക അസ്വസ്ഥതകള്‍ വര്‍ധിക്കുകയായിരുന്നു. ഇതേ തുടര്‍ന്ന് കോഴിക്കോട് സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. മൃതദേഹം കോഴിക്കോട് മെഡിക്കല്‍ കോളേജ് ആശുപത്രിയില്‍ പോസ്റ്റ്‌മോര്‍ട്ടം ചെയ്തു.
