സോളാര്‍ കേസുമായി ബന്ധപ്പെട്ട വിഷയത്തില്‍ കോണ്‍ഗ്രസിലെ എ, ഐ ഗ്രൂപ്പുകള്‍ തമ്മില്‍ ധാരണയായി. കേസില്‍ ആരോപണവിധേയരായവരെ ഒറ്റപ്പെടുത്താന്‍ അനുവദിക്കില്ലെന്നും കേസ് രാഷ്ട്രീയമായി നേരിടാനും തീരുമാനമായി. ഈ കേസ് രാഷ്ട്രീയപ്രേരിതമാണെന്ന നിലപാട് ഇരു ഗ്രൂപ്പുകളും അംഗീകരിച്ചു.
നിലവില്‍ ഉയര്‍ന്നുവരുന്ന വിമര്‍ശനങ്ങള്‍ ഒഴിവാക്കാനാണ് ഇരു ഗ്രൂപ്പുകളും ധാരണയിലെത്തിയത്. കെപിസിസി രാഷ്ട്രീയകാര്യസമിതിക്ക് മുന്നോടിയായാണ് ഈ ധാരണ. രാഷ്ട്രീയ കാര്യ സമിതി തീരുമാനമെടുത്ത ശേഷം അത് ഹൈക്കമാന്‍ഡിനെ അറിയിക്കും. കെപിസിസി പ്രസിഡന്റ് എം.എം.ഹസന്‍ നേതാക്കളുമായി ചര്‍ച്ച നടത്തി.